2.去大帽山與凜冽的寒風
too cold!!
19/2/2005
我們第一次去大帽山山頂考察 ,非常特別既日子,
今日係星期六,我清早就要好似返學咁起身..zZ
但係我以為好似通告咁講只去曹公潭..今次真係有好嚴重既後果!!!
講番正題,我很早便到左集合地點------荃灣地鐵站
等左好耐,見到同學一個個咁黎....仲見到鄭sir
不過佢唔係帶隊老師...跟住我地就搭一架旅遊巴去曹公潭
早上有兩位比賽負責人講解今日既行程
原來有60幾間學校參加
miss lo 話個比賽費好貴,
一定要入到決賽(30隊有機會)
好似未必太難.....卦.....唔知
如果話會入既話會俾郭家希一定會話我好勝...無奈"
要同組員討論problem statement,老師從旁協助
我覺得好悶..但我知道好重要..plan下午既野
我就負責寫低d野,見到隔籬組用下一頁
冇寫完就想用下一頁...當然浪費!!!(最後只用了一頁)
但係唔止我寫,黎敬諾同何嘉亮都有呀
可能我地d野夠精簡(其實係最懶)
好快就到左下午既時間-----到大帽山山頂考察!!!!
最少隊伍選擇既地方係大帽山,得4-5隊
我係旅遊巴內見到長長既山路......感覺好怪
好快就落車la.....
Wow...cool!!!
但係何嘉亮今日冇備而黎...
好在黎敬諾有多一件衫～
瞧!大帽山甚是涼快!
落左車之後有3條分义路....
我地一時之間都唔知去邊度好
經過我地仔細觀察,發現冇任何動物既行蹤
可能太凍既關係::::::::::
之後我地三條路都有行過
不過中途因為太凍既關係上左車休息
我可以透過相機知道我既鼻紅左
但係曾sir同另一位同學仲慘,
因為佢地流眼淚同鼻水,,真係好辛苦呀!!
不過我地都有一dd收穫....
我拍低左原生樹同外來樹既相
知道左樹的生長環境同埋大帽山既山勢
之後就要回家下苦功!!!
考察既時間過得一d都唔容易呀!
完左後要到扶輪公園做問卷,
見到新式燒烤爐令我好興奮
(你地知唔知點解?)
不過我隻手僵到唔識寫字.....
原來我果組既組頭大家都住得好近
大家都係搭同一架巴士,我地就係果時分工
希望一個好既開始啦!!!
posted by Unknown @ 3:31 PM
1 Comments:
其實件紅色衫係黎敬諾
果日天氣雖然好凍,
但我地發揮到互相合作的精神!
Post a Comment
<< Home